തൽക്കാലം കേസ് കൈയ്യിലിരിക്കട്ടെ, ഇനിയും രാഷ്ട്രീയം പറയും: രാഹുൽ മാങ്കൂട്ടത്തിൽ
രാഹുല് മാങ്കൂട്ടത്തിനെതിരെ കലാപാഹ്വാനത്തിന് കേസെടുത്തതിന് പിന്നാലെ സര്ക്കാരിനെ വിമർശിച്ച് യൂത്ത് കോണ്ഗ്രസ് സംസ്ഥാന ജനറല് സെക്രട്ടറി രാഹുൽ മാങ്കൂട്ടം.
ഫേസ്ബുക്ക് പോസ്റ്റിലൂടെ കലാപാഹ്വാനം നടത്തിയെന്ന് ആരോപിച്ചാണ് രാഹുല് മാങ്കൂട്ടത്തിലിനെതിരെ പോലീസ് കേസെടുത്തത്. ഇതിന് പിന്നാലെയാണ് താന് പറഞ്ഞതില് ഒരു കലാപാഹ്വാനവുമില്ലെന്നും തല്ക്കാലം കേസ് കൈയ്യിലിരിക്കട്ടെയെന്നും, തുടര്ന്നും രാഷ്ട്രീയം പറയാന് തന്നെയാണ് തീരുമാനമെന്നും രാഹുല് ഫേസ്ബുക്കില് കുറിച്ചത്.
രാഷ്ട്രീയ എതിരാളികള്ക്കെതിരെ കേസ് എടുക്കുന്നതില് നരേന്ദ്ര മോദിയും പിണറായി വിജയനുംഒരുപോലെയാണെന്നും രാഹുല് വിമര്ശനം ഉന്നയിച്ചു.
