സ്വന്തം കുഞ്ഞിന്റെ മൃതദേഹവുമായി രണ്ട് കിലോമീറ്റര് നടന്ന് പിതാവ്
കേരളത്തിന്റെ മനസാക്ഷിയെ ഞെട്ടിക്കുന്ന വാര്ത്ത വീണ്ടും അട്ടപ്പാടിയില് നിന്ന് വരുന്നു. കുഞ്ഞിന്റെ മൃതദേഹവുമായി രണ്ട് കിലോമീറ്റര് ദൂരം നടന്ന പിതാവിന്റെ ദുരവസ്ഥ ആരെയും ഞെട്ടിക്കും. അട്ടപ്പാടി മുരുഗള ഊരിലെ അയ്യപ്പന് കുട്ടിക്കാണ് ദുരവസ്ഥയുണ്ടായത്. അയ്യപ്പന്-സരസ്വതി ദമ്പതികളുടെ നാല് മാസം പ്രായമുള്ള കുഞ്ഞ് സജിനേശ്വരി കഴിഞ്ഞ ദിവസം പുലര്ച്ചെയാണ് മരിച്ചത്. കുഞ്ഞിന്റെ മൃതദേഹം ഊരിലെത്തിക്കാന് ആംബുലന്സ് സൗകര്യം ഇല്ലാതെ വന്നതോടെയാണ് പിതാവ് മൃതദേഹവുമായി നടന്നത്. പിതാവിന്റെ നിസഹായതയും ഊരിലെ ദുരവസ്ഥയും തെളിയിക്കുന്നതാണ് സംഭവം.
