ശബരിനാഥിനെ അറസ്റ്റ് ചെയ്തു
തിരുവനന്തപുരം: വിമാനത്തില് മുഖ്യമന്ത്രിക്ക് നേരെ പ്രതിഷേധിച്ച സംഭവവുമായി ബന്ധപ്പെട്ട കേസില് യൂത്ത് കോണ്ഗ്രസ് സംസ്ഥാന വൈസ് പ്രസിഡന്റും മുന് എംഎല്എയുമായ കെ എസ് ശബരിനാഥിനെ പൊലീസ് അറസ്റ്റ് ചെയ്തു. വലിയതുറ പൊലീസ് സ്റ്റേഷനില് ചോദ്യം ചെയ്യലിന് ഹാജരായതിന് പിന്നാലെയാണ് അറസ്റ്റ്. ശംഖുമുഖം അസി. കമ്മീഷണര് പൃഥിരാജാണ് ശബരിനാഥിനെ ചോദ്യം ചെയ്തത്. വിമാനത്തിലെ പ്രതിഷേധത്തില് കേസെടുത്തത് സര്ക്കാരിന്റെ ഭീരുത്വമാണെന്ന് ശബരിനാഥ് വിമര്ശിച്ചു. ഒരു ജനാധിപത്യ സംവിധാനത്തില് പ്രതിഷേധിക്കാന് എല്ലാവര്ക്കും അവകാശമുണ്ടെന്നും സമാധാനപരമായിട്ടാണ് യൂത്ത് കോണ്ഗ്രസ് പ്രവര്ത്തകര് വിമാനത്തില് പ്രതിഷേധിച്ചതെന്നും ശബരിനാഥ് പറഞ്ഞു.
