ടിപിയുടെ വിധിയെഴുതിയത് പിണറായി കോടതി
തിരുവനന്തപുരം: പിണറായിയുടെ കോടതിയാണ് ടിപിയുടെ വിധിയെഴുതിയതെന്ന് പ്രതിപക്ഷ നേതാവ് വിഡി സതീശന്. എം എം മണിയുടെ വിവാദ പരാര്മശത്തിനെ തുടര്ന്ന് പ്രതിപക്ഷം രാവിലെ സഭ സ്തംഭിപ്പിച്ചു. മണിയെ ന്യായീകരിച്ച മുഖ്യമന്ത്രിയുടെ നിലപാട് ക്രൂരവും നിന്ദ്യവുമാണ്. ടി പി ചന്ദ്രശേഖരനെ കൊല്ലാനുള്ള വിധിയുണ്ടായത് പിണറായിയുടെ പാര്ട്ടി കോടതിയിലാണ്. പാര്ട്ടി കോടതിയില് വിധി പ്രഖ്യാപനം നടത്തിയ ജഡ്ജി ഇന്ന് കേരളത്തിന്റെ മുഖ്യമന്ത്രിയാണ്. കയ്യില് ചോരക്കറയുള്ള പിണറായിക്ക് കൊന്നിട്ടും പക തീരുന്നില്ലെന്നും വി ഡി സതീശന് കുറ്റപ്പെടുത്തി. അനാഥരെയും വിധവകളെയും സൃഷ്ടിക്കുന്ന പാര്ട്ടിയാണ് സിപിഎം. കൊലയാളികളുടെ കൊലവിളി ജനം കേള്ക്കുന്നുണ്ടെന്നും സതീശന് പറഞ്ഞു. കെ കെ രമയ്ക്ക് എതിരായ എം എം മണിയുടെ പ്രസംഗത്തിനെതിരെ സഭയില് പ്രതിപക്ഷം വലിയ പ്രതിഷേധമാണ് ഉയര്ത്തിയത്. എം എം മണി മാപ്പ് പറയണമെന്ന് പ്രതിപക്ഷം ആവശ്യപ്പെട്ടു.
