പോലീസുകാരനും കുടുംബവും ജീവനൊടുക്കി
ഗുജറാത്തില് പോലീസ് ഉദ്യോഗസ്ഥനും ഭാര്യയും മകളും ജീവനൊടുക്കി. അഹമ്മദാബാദിലെ പാര്പ്പിട സമുച്ചയത്തിന്റെ 12-ാം നിലയില് നിന്നും ചാടിയാണ് മരിച്ചത്.
വസ്ത്രാപൂർ പോലീസ് സ്റ്റേഷനിലെ കോൺസ്റ്റബിൾ കുൽദീപ്സിംഗ് യാദവ്, ഭാര്യ റിദ്ദി, മൂന്ന് വയസുള്ള മകൾ എന്നിവരാണ് മരിച്ചത്. വാക്ക് തര്ക്കത്തിനൊടുവിലാണ് ഇവര് കെട്ടിടത്തിന്റെ മുകളില് നിന്നും ചാടുകയായിരുന്നു.
പുലർച്ചെ 1.30ഓടെയാണ് സംഭവം. മൂന്നുപേരും സംഭവസ്ഥലത്തുവച്ചു തന്നെ മരിച്ചു. ദമ്പതികൾ തമ്മിൽ വഴക്ക് പതിവായിരുന്നുവെന്ന് പോലീസ് പറഞ്ഞു.
