അവ്യക്തമായ മറുപടി നൽകിയ ആരോഗ്യമന്ത്രിക്ക് സ്പീക്കറുടെ താക്കീത്
നിയമസഭാ ചോദ്യങ്ങള്ക്ക് അവ്യക്തമായ മറുപടി നല്കരുതെന്നു ആരോഗ്യമന്ത്രി വീണാ ജോര്ജിനു സ്പീക്കര് നിര്ദേശം നല്കി. പിപിഇ കിറ്റ് സംബന്ധിച്ച ചോദ്യങ്ങള്ക്ക് നിയമസഭയില് മന്ത്രി ഒരേ മറുപടി നല്കിയെന്നാരോപിച്ച് എ.പി.അനില്കുമാര് നല്കിയ പരാതിയിലാണ് താക്കീത്.
പ്രതിപക്ഷ അംഗങ്ങളുടെ ചോദ്യങ്ങള്ക്ക് മന്ത്രി ഒരേ മറുപടി നല്കി. പിപിഇ കിറ്റുമായി ബന്ധപ്പെട്ട വ്യത്യസ്തമായ ചോദ്യങ്ങള്ക്ക് ഒരേ മറുപടി നല്കുന്നത് സഭയോടുള്ള അനാദരവാണെന്നു ചൂണ്ടിക്കാട്ടിയാണ് പരാതി നല്കിയത്.
ചോദ്യങ്ങള്ക്ക് അവ്യക്തമായ മറുപടി നല്കുന്ന സമീപനം ആവര്ത്തിക്കരുതെന്ന് സ്പീക്കര് ആരോഗ്യമന്ത്രിക്ക് കര്ശന നിര്ദേശം നല്കി. ഇക്കാര്യത്തില് മന്ത്രിക്ക് താക്കീത് നല്കിയതായി നിയമസഭാ സെക്രട്ടേറിയറ്റിന്റെ അണ്ടര് സെക്രട്ടറിയാണ് എ.പി.അനില്കുമാറിനെ രേഖാമൂലം അറിയിച്ചത്.
